Дали сте човек кој што преферира да игра на PC или сепак на некоја од конзолите ?? Ако ја зборуваме вистината и нема некоја голема разлика денеска меѓу нив. Денешните најдобри игри се прават за PC како и за PS3 и Xbox 360. Иако на конзолите не се игра баш најдобро со маус и тастатура, и тоа што повеќето од нив не произведуваат на вистина 1080p. Покрај нив компјутерите се многу по масивни.
Поради оваа причина Alienware го произведе својот X51 модел на статичен компјутер. Во него се сместени компоненти со иста големина како кај обичниот статичен компјутер, а сепак целосната големина е малку поголема од таа на PlayStation 3. Направен е во глобала да работи на вашиот телевизор. Иако не е многу голем на X51 може да се надоградуваат компоненти понатаму, не е никаков проблем. Најобичниот модел започнува со цена од 699$.
Дизајнот исто така многу наликува како онаа на конзолите, поточно повеќе на нивните смалени верзии. Од напред изгледа како PS3 со блескавата маска, за разлика од заоблените страници кој повеќе потсетуваат на Xbox 360, дури и со копчињата се тука некаде. Друга работа што позајмува од Xbox 360 е тоа што има прилично големо надворешно напојување. Со своите 5.5кг тежина баш и не го прават толку лесен за преместување како конзола. Иако во целост многу потсеќа како да бил направен од страна на Sony и Microsoft, сепак може да се најдат и многу работи кои потсеќаат на типичен Alienware компјутер. Знакот нивни стои на долната страна од куќиштето, со можност очите да му светат во која боја ќе одберете вие. Дури можете да ги наместите да светкаат кога ќе добиете одредени нотификации. Острите ивици на горниот и долниот дел кој се наоѓаат на блескавата површина потсеќаат на некои од поранешните Alienware статични компјутери.
Неговите димензии 33цм висина, 30цм должина и 7.5цм ширина го прават малце по масивен за разлика од конзолите, исто така и тежината. Ама затоа тој недостаток го поправаат Alienware со тоа што на задната страна има еднакво портови како и на обичен статичен компјутер кој е поголем за минимум два пати од него. Од напред има пар портови USB 2.0, до нив се сместени влезовите за слушалки и за микрофон, а од задната страна не само што има HDMI излез туку и четири USB 2.0 портови, пар USB 3.0, излез за мрежно конектирање, целосен сет од излези за поврзување на звучници, коишто можат да се приклучат со било каков и да посакате звучен систем. Исто така има и еден пар на DVI конектори, смалена верзија на HDMI излез на задната страна од графичката. Во пакувањето имаат само вклучено маус,тастатура, DVI во VGA адаптер и прирачник за употреба. Нема никаков далечински управувач, што доаѓа како минус во случајот кога овој уред е поврзан на телевизор.
Х51 навистина блеснува кога ќе го погледнете под 'хаубата'. Многу добро замислено од страна на Alienware така што е дизајниран да ги собере сите компоненти на регуларен компјутер во дупло помал простор. На лик изгледа буквално како три димензионална слагалица. Без ни малце неискористен простор, сепак правејки го секој дел лесен за променување и надградување во многу краток период. Можете целиот систем да го од штрафите и пак да го вратите на место буквално за половина час доколку би сакале. Не самошто Х51 лесно може да се надгради, тоа што го прави посебен е добро организираниот простор. Нај интересно дизајниран е просторот за графичката, тие успеале да ја наместат дуплата, долга дури 22цм графичка да биде поставена паралелно со матичната.
За првичната и основна цена која изнесува 699$ добивате: Intel Corе i-3 процесор, 4GB RAM и Nvidia GeForce 545 GT. Најдобрата понуда од Alienware која изнесува 1,249$ добивате многу повеќе. Со Core i-7-2600 3.4GHz процесор, 8GB RAM меморија, Nvidia GeForce GTX 555 графичка, како и Blue-Ray режач. Со овие компоненти може да се каже дека е прилично доминантен над конзолите. Иако би било добро ако вклучеле и еден помошен SSD диск во него за таа цена. Што се однесува до звучноста, Х51 е прилично тивок, нај гласен дел му е Blu-Ray режачот но и тој самиот не е многу гласен.
Во изминативе години имаше неколку обиди за конструкција на смалена верзија но сепак прилично издржлива верзија на компјутер, којшто би можел лесно да се користи за играње нови игрици. Прв пример е моделот на HP, Firebird којшто поседуваше дупла графичка(онаква каква што се наоѓа на лап-топ), водно ладење, прилично добар изглед но превисока цена. Х51 има одлична шанса да ги поправи неговите грешки, нема преголема цена за мини издание, одличниот дизајн и солидни перформанси што би можеле да ги добиете за тие пари кога станува збор за игри. Паметно конструираното куќиште коешто може лесно да се надградува во иднина за да ги задоволи вашите потреби е исто така еден плус. Не е тешко да се преместува од едно место на друго. Факт е дека Alienware има направено еден многу интересен компјутер, каков што нема друг сличен на пазарот моментално, а за во иднина веруваме дека ова ќе им биде поттик на другите да пробаат и они што можат да направат. Во случај да ви се има здосадено од својот лап-топ или од својата конзола, а ви треба нешто мало но сепак со добри перформанси, Alienware X51 е тоа што го барате.
No comments:
Post a Comment